İranlı gəncdən Xameneinin önündə sensasion çıxış

QəbələPress.info
title

İranlı gəncin Ali dini rəhbər Ayətullah Əli Xamenei ilə görüşdə hökuməti tənqid etməsi sensasiya doğurub.

 QəbələPress.info Azərtac-a istinadən xəbər verir ki, İranın voleybol üzrə milli komandasının üzvlərini qəbul edən Ali dini rəhbər söz demək istəyən gəncə fikirlərini bildirməsi üçün icazə verib. Gənc hökuməti tənqid edərək diqqətə çatdırıb ki, istedadlı gənclər ölkəni tərk etmək istəyirlər. Onların inkişafı üçün heç bir şərait yaradılmır. İqtisadi vəziyyətin ağırlığı və inzibatçılıq xarici ölkələrdə keçirilən tədbirlərə qatılmaq imkanı vermir. Ölkədə baş verən haqsızlıq və ədalətsizlik gənclərin ümidsizliyə qapanmasına səbəb olub.

Gəncin fikirlərini diqqətlə dinləyən Ali dini rəhbər deyib ki, sizin fikirlərlə razılaşmaq olar. Amma ümidsizliyə qapanmaq vaxtı deyil. Vaxtı ilə İran ümidsizlik içində idi və xalqın mübarizəsi bu ümidsizliyə son qoydu. İran inkişaf edib bu səviyyəyə çatıb ki, siz burada öz fikirlərinizi sərbəst şəkildə ifadə edə bilirsiniz. Əli Xamenei qeyd edib ki, gəncin bütün fikirləri nəzərə alınacaq. Gənc görüşün sonunda Ali Rəhbəri qucaqlayaraq onunla görüşüb dərdini demək arzusunun yerinə yetdiyini deyib.

Xatırladaq ki, bu günə kimi İranda Ali dini rəhbərin qəbulunda belə çıxış olmamışdı. İranın Ali dini rəhbərini tənqid etmək qanunla qadağandır. Lakin İran mətbuatı prezidenti və nazirləri tənqid edə bilər. Bu gənc də qanundan kənara çıxmayaraq yalnız hökuməti tənqid edib.

Bölmənin maraqlı xəbərləri

Sürücülük vəsiqəsi imtahanı

FreeCurrencyRates.com

Hava proqnozu

Sərfəli qiymət və keyfiyyət

Google adsense